Shameful Hearings / Tbilsi City Court, Hall 1 / 25 May 2026 11:00

access_time25 May 2026 11:00

11:08 - შევედით დარბაზში.

11:17 - შემოყავთ ბიჭები. მისალმება, მოკითხვა, ადვოკატებთან გასაუბრება. უხარიათ ბრალდებულებს ოჯახის წევრების დანახვა და ოჯახის წევრებს-ბრალდებულების. ალბათ სავსე დარბაზიც გაახარებდათ, მაგრამ უფრო ცარიელია, ვიდრე ნახევრად ცარიელი. კოპწიები და ლამაზები არიან. ლაშა ივანაძეს ულვაშები აქვს და ძალიან უხდება. დოლიშვილის დედიკოს ვერ ვხედავ. იმედია ყველაფერი რიგზე აქვს. დაიკო აქაა, მერე ვიკითხავ

11:23 - რომეომ შეგვახსენა, რომ ჭავჭავაძე და ქორქია გაძევებულები არიან სხდომიდან.

11:24 - დაიწყო დაცვის მხარის დასკვნითი სიტყვები. კახიძე-ვარდანიძის ადვოკატი. დაიწყო. ის ამბობს, რომ დღეს არ წყდება სისხლის სამართლის დანაშაულის საქმე. აქ წყდება დავრჩებით თუ არა კონსტიტუციის ფარგლებში თუ ვიქნებით რეპრესიებისა და რეჟიმის ქვეშ. (უფრო ლამაზად თქვა ისე) ადვოკატმა დაიწყო 2024 წლის 28 ნოემბრიდან და აღწერს. კობახიძის პრესკონფერენციიდან დაწყებული, ყველა იმ სისასტიკეს რაც საპოლიციო ძალებმა ჩაიდინა. პერსონიფიცირებულად ყვება ნაცემ ხალხზე: ქაცარავა, ხაბეიშვილი, ჩიხლაძე, მაისაშვილი, როგავა... სახლებთან დახვედრები და ა.შ. ადვოკატი ამბობს, რომ არ დაუკავებიათ დამნაშავე პოლიციელები, ზონდერები. ადვოკატი თვლის, რომ ძალადობრივი ქმედებები წახალისებული იყო მმართველი პარტიისგან. აქვე აღნიშნავს ადვოკატი რომ სწუხაროდ 4 ოქტომბერს სამწუხაროდ დაზარალდნენ პოლიციელები, მაგრამ სასაცილოა ის ფაქტი, რომ იმდენად მსუბუქი დაზიანებები მიიღეს, რომ ზოგმა სამედიცინო მომსახურებასაც კი არ მიმართა. ახლა მოჰყავს მაგალითისთვის საფრანგეთის მაგალითი.

11:33 - ადვოკატი ამბობს, რომ ეს ყველაფერი არის ნიჰილიზმისა და შიშის დასათესად. 4 ოქტომბერს ისევ ნიღბებითა და უნომრო პოლიციელები გამოეცხადნენ ადამიანებს. ადამიანებისთვის ეს ასოცირდება დაუსჯელობის სინდრომს, ძალადობას (რაც გამოვიარეთ) , ხოლო პოლიციელებმა იციან, რომ არ დაისჯებიან. ადვოკატი აქვე აღნიშავს, რომ სახელმწიფო დაცვის თანამშრომელებიდან არცერთს მოუღია ჯანმრთელობის სერიოზული დაზიანება, რადგან არ ჰქონდათ ნიღბები და არ მომხდარა მათი დეჰუმანიზაცია.

11:37 - ანტონ ვარდანიძის ადვოკატი განაგრძობს. ამბობს, რომ მიუხედავად იმისა რომ პროკურატურა ირწმუნება ვარდანაძის მიერ ჩადენილ ძალადობას, მათ ვერ წარადგინეს ვერც პირდაპირი და ვერც - ირიბი მტკიცებულებება.

11:39 - რომეო უსმენს. ოღონდ ვერ ვხვდები რა ემოცია აქვს. ცოტა უგულია მგონი

11:42 - ადვოკატი ამბობს, რომ საპატრულო პოლიციელებმაც კი დაადასტურეს, რომ შენობას არ მიახლოებიან დემონსტრანტები. მცდელობაც არ დაფიქსირებულა.

11:44 - ადვოკატი იხსენებს გდდ-სა და პოლიციელების ჩვენებებს. 4 ოქტომბერი იყო ერთადერთი დღე, როდესაც პრეზიდენტის რეზიდენციაში პოლიციური ძალები იყვნენ შუადღიდან. იხსენებს ირაკლი მდინარაძის ინტერვიუს, როგორ ამბობს, რომ იცოდნენ აქციის ე.წ. გეგმა. სვამს შეკითხვებს. თუ უცოდნენ რატომ არ მოახდნინეს პრევენციული "დაცვა" და ა.შ. ასევე ახსენებს რეზიდენციის კამერების ვიდეოების არარსებობას. გამომძიებელისგან სასაცილო პასუხი, ისედაც ჰქონდათ ვიდეოები) ადვოკატი ამბობს, რომ არასოდეს არ არის საკმარისი მტკიცებულებები. რაც მეტი იქნება მით უფრო კარგად მოახერხებს სასამართლო სამართლიან გადაწყვეტილებას.

11:48 - ახლა საუბრობს სამკერდე კამერებზე, რომლებიც არ ჰქონდათ ჩართული. სინამდვილეში ჰქონდათ, რადგან ვიდეომტკიცებულებებში ჩანს. გამოძიებამ ამოიღო, თუმცა სასამართლოში არ წარადგინეს. ეს ნიშნავს, რომ ისინი რაღაცას მალავენ.

11:49 - პროკურორი თამარი თეთრი პიჯაკით ზის, მობილურს სქროლავს

11:50 - ადვოკატი ამბობს, რომ ბრალდებულები მხოლოდ საქართველოს სიყვარულისთვის სხედან. იხსენებს რუსეთის ჟანდარმერიის მიერ ჩადენილ რეპრესიებს. ილიას, თერგ დალეულებს, კოტე აფხაზს, ზვიადს და ა. შ. აქვე ამბობს, რომ ისტორიამ ისინი გმირებად შემოინახა და დავალებების შემსრულებლები მოღალატეებად!

11:52 - დაასრულა ადვოკატმა. ბრალდებულებმა ტაში დაუკრეს. რომეომ ფილარმონიაში არ ვართო.

11:55 - ანტონ ვარდანიძე ამბობს, რომ ლამის მოკვდა, სად არის ის კადრები? შემთხვევით გადავრჩი, რის გადატრიალება? 80 წელს გადაცილებული მშობლები მყავს სახლში? შვილი სასწავლებლად მიდიოდა, ვეღარ მიდის. საკმაოდ ემოციური სიტყვა თქვა. პროტესტი უნდა გამომეხატა სხვაგან, მაგრამ მოვხვდი მანდ და მაინცდამაინც მაგაზე თუა, მაგაზე მაგებინეთ პასუხ და არა წინასწარ დაგეგმილ ძალადობაზე. პოლონეთში მუშაობდა მანამდე. ჩამოვიდა და აღარ წავიდა, სამშობლოს გულისთვის დარჩა. ამბობს, რომ თავის პირადი მოტივით იყო აქციაზე. არავისთან არ ჰქონია კომუნიკაცია.

12:00 - ე. ი. დასკვნითი სიტყვა თქვა ვარდანაძის ადვოკატმა და ვარდანაძემ თავად.

12:01 - იწყებს ჯანო ჭკადუა- ჩილაჩავასა და სულხანის ადვოკატი. ჯანოც შესავალს აკეთებს. პროკურატურის მიერ წარდგენილ მტკიცებულებებზე საუბრობს. ამბობს, რომ ავერანაირი მტკიცებულება ვერ წარადგინეს, რომ წინასწარი შეკავშირება ყოფილიყო ამ ხალხს შორის.

12:04 - სასამართლო დარბაზის კართან გარეთ შავებში ჩაცმული კაცები დგანან)) კონტროლიორები))

12:05 - ჯანო იხსენებს პროკურორის სიტყვებს. მან თქვა, რომ არ ჰქონდა მნიშვნელობა სულხან ტუღუშმა დააშავა რამე თუ არა. აქციაზე ხომ იყავი. ჯანო ამბობს, რომ პროკურორია სიტყვა წერილობით არ გადაცემია დაცვის მხარეს და მოსამართლეს ეუბნება, რომ მხვედელობაში მხოლოდ ის უნდა მიიღოს რაც ხმამაღლა გააჟღერა სხდომაზე.

12:08 - ახლა ჯანო საუბრობს სახელმწიფო პასუხისმგებლობაზე. ჯანო იხსენებს მოწმეების ჩვენებებს. პოლიცია რომ 12 საათიდან სასახლეში იყო და 3 საათიდან გდდ.

12:09 - ჯანო ამბობს, რომ ქართულმა ოცნებამ მოაწყო " სურპრიზი". ჯანო ამბობს ტუღუშზეც და ჩილაჩავაზეც რომ ისინი აქამდე არასდროს ყოფილამ დაკავებულები. ისინი ყოველგვარი თავდაცვითი საშუალებებით ესწრებოდნენ აქციას.

12:11 - ახლა ამახვილებს ყურადღებას ჯანო მტკიცებულებაზე. ტვ1-ის ვიდეოჩანაწეზეა საუბარი. ორი დისკი ჩაწერეს. ჯანო ამბობს, რომ დათვალიერების ოქმით გაუგებარია ვიდეოების ხანგრძლივობა. რაც აწერია, სრული ვიდეოსია თუ პირის ე.წ. დანაშაულის ხანგრძლივობა? არის სრულად ჩამოწერილი ვიდეო თუ ნაწილი? და ა.შ. ოქმის შემდგენელის დაკითხვა კი არ მოახდინა პროკურატურამ

12:14 - ჯანო ორივე ბრალდებულზე საუბრობს. ექსპერტიზის თხოვნის დადგენილებებზე. ჯანო ამბობს, რომ მასალის გაგზავნაში დროებში შეცდომაა. ორივეს შემთხვევაში ერთ და იგივე დროები უწერიათ. ჯანო ამბობს, რომ ვიდეო ჩანაწერი არ უნახავს არცერთ გამომძიებელს. საიდან იცოდნენ როგორ გამოიყურებოდნენ. ჯანოს აინტერესებს დალუქული დისკის ორ ექსპერთან ერთდროულად გაგზავნა როგორ მოხდა?

12:17 - ჯანო იხსენებს ექსპერტების ჩვენებებს. როგორ მივიდა გახსნილ მდგომარეობაში მიუვიდათ. ერთ-ერთ ექსპერტზე ამბობს, რომ დისკის დათვალიერების შემდეგ ღიად დატოვა. ბეეეევრ შეკითხვას სვამს ჯანო. ყველა დარღვევაზე

12:21 - ჯანო იხსენებს ექსპერტის ჩვენებას, რომელსაც პროკურორი კარნახობდა პასუხს. ჯანო დაწვრილებით საუბრობს ამ გარემოების გარშემო.

12:23 - ჯანო აჩვენებს ვიდეოს მოსამართლეს. ექსპერტის მიერ. ვიდეოს ნახვაზე საერთოდ კითხვის ნიშანს სვამს. ექსპერტი ირწმუნებიდა, რომ ამ ვიდეოში მე-9 წამზე ნახა ჩილაჩავა. თუმცა ამ ვიდეოში საერთოდ არ არის. ჯანო ამბობს, რომ 30 მარტს გამოკვლეულ სხვა ვიდეოზე ჩანს მე-9 წამზე. ისიც გავლით. ექსოერტის მიერ დასკვნაში ჩადებული ფოტოც ამ ვიდეოდან აიღო. ჯანო ამბობს, რომ ექსპერტმა სულ სხვა ვიდეო ნახა. (ის სხვა ვიდეო 30 მარტს გამოკვლეული)

12:29 - ჯანო იხსენებს ასევე კერესელიძის (მთავარი გამომძიებლის) სიტყვები რომ ბრალდებულებს შორის კავშირი არ დასტურდება (წინა საქმეებივით მობილურები კი აქვთ ამდენი ხანია)

12:30 - ჯანო იხსენებს მოძალადეების დაორგანიზებულ აქციას. ღმერთის სახელით ჩადენილი. ხმამაღლა გაცხადებული ორგანიზატორებით. ამ საქმეზეც კი არ უდევნია მაშინ დამნაშავეები.

12:35 - შესვენება საათ ნახევარი.

13:54 - პროცესი არ განახლებულა. სხვა პროცესი აქვს, მანდატურმა 27-კაციანი ქურდულებიო

14:58 - კიდევ მოსამართლე რომეოს ველოდებით

15:15 - დიმა ვარდიაშვილმა უნდა თქვას დასკვნითი სიტყვა. ის არის სერგო მეგრელიშვილის, ვლადიმერ გველესიანის, რამაზ მუმლაძისა და ზურაბ ჭავჭანიძის ადვოკატი

15:32 - მოვიდა პატივცემული მოსამართლე რომეო. გახსნა სხდომა

16:17 - დოლიშვილის დაიკოს ვკითხე დედა რატომ არ არის და ცოტა არაა კარგადო. მოკითხვა გადავეცი 🥹
შევედით დარბაზში როგორც იქნა.

16:37 - ამირან დოლიშვილის ადვოკატი ამბობს, რომ დოლიშვილს ეცვა თეთრი ტანსაცმელი, ნიღბის გარეშე. 21 წლის ბიჭი, რომელიც ეროვნულ ყრილობაზე იყო მოსული.

16:39 - ადვოკატი ამბობს, რომ დროშა ისე აქვს მოხვეული ბეჭებზე, რომ ხელებიც კი არ უჩანს. ვიდეოზე ჩანს როგორ აწვდიან რაღაც რკინის ნაწილს ხელში, რომელსაც აყუდებს იქვე და გამოდის, იქვე იხრება, სავარაუდოდ წიწაკის სორეის ასხამენ. ამის შემდეგ აღარ ჩანს ვიდეოზე დოლიშვილი

16:41 - ადვოკატი მარიამი (ამირან დოლიშვილი) ამბობს, რომ ვიდეო მტკიცებულებით მხოლოდ ის დადგინა, რომ არც უძალადია ვინმეზე, არც რამეში მიუღია მონაწილეობა. ადვოკატს მოჰყავს სხვადასხვა მსგავსი მაგალითი. დაღესტანი, საფრანგეთი და სხვა მსგავსი საქმეები

16:44 - ადვოკატი მარიმი კითხულობს ევროპული სასამართლოს დასკვნას. არ შეიძლება დაისაჯოს ან ჩაითვალოს აქციაში მონაწილე სხვა ადამიანის მიერ ჩადენილი დანაშაულის გამო ავტომატურად დამნაშავედ.

16:46 - ადვოკატი ყვება როგორ აიყვანეს ამირანი. დრონებით და სოეცნაზით. ტანკები და ბეტეერები აკლდაო. დააკავეს ძალადობრივი გზით მაშინ, როდესაც ამირანი იმყოფებოდა თავის არასრულწლოვან ძმასთან ერთად. ადვოკატი განაგრძობს მაგალითების მოყვანას. 2012 წლის 6 მაისის აქციზე რუსეთში კაცი შევიდა შენიბაში (რეზიდენცია პუტინის) ევროპულმა სასამართლომ გაამტყუნა კოკექტიური პასუხისმგებლობა

16:49 - საფრანგეთის მაგალითი მოჰყავს ახლა. აქაც ევროპულმა სასამართლომ არ გაითვალისწინა საფრანგეთის სასამარტლოს გადაწყვეტილება და თქვა, რომ აქციაში მონაწილეობის გამო, სადაც არ დასტურდება კონკრეტული (ბრალდებულის) პირის მიერ ჩადენილი დანაშაული, არ შეიძლება დაისაჯოს

16:52 - დაასრულა ამირან დოლიშვილის ადვოკატმა სიტყვა. ამირანი არ ამბობს დასკვნით სიტყვას. რეპლიკებზე 15 წუთს მისცემს პროკურორს, მოკლედო. დარჩენილი დასკვნითი სიტყვები შემდეგ პროცესზე. 1 ივნისი 11 სთ

https://www.facebook.com/share/p/1Cpye61Ktn/