Shameful Hearings / Tbilsi City Court, Hall 2 / 29 May 2026 12:30

access_time29 May 2026 12:30

12:34 - შევედით დარბაზში. მოსამართლე ადგილზეა, ველოდებით ბიჭებს

12:43 - შემოიყვანეს ბიჭები. ვესალმებით ერთმანეთს. ადვოკატები ესაუბრებიან. მოსამართლემ დაიკავეთ ადგილებიო. გახსნა სხდომა

12:44 - როგორც ყოველთვის ევა და ბატ. გოგი ესწრებიან თავიანთ სხდომას.

12:45 - ლაშა ცუცქირიძე - დავუთ ჟღენტის ადვოკატი. დასკვნით სიტყვაში ამბობს, რომ გამოძიების ხარისხი ვერ აკმაყოფილებს ვერანაირ სტანდარტს. დავითის დაკავება იყო ადმინისტრაციული 48 სთ. გამოსული იქვე შეაბრუნეს სისხლის სამართლის დანაშაულზე. გამოძიებასაც არ დაელოდნენ. ადვოკატი იხსენებს კონსტანტინე კერესელიძის ჩვენებას. იმას რომ დავით ჟღენტის საქმეზე არანაირი ვიდეომტკიცებულება არ არსებობს.

12:48 - არ დევს საქმეში სასახლის კამერების ვიდეო ჩანაწერები. ადვოკატი ამბობს, რომ აღკვეთის ღონისძიების სახით პატიმრობა დავითზე იყო დაუდასტურებელი და რა თქმა უნდა გაასაჩივრებს ამასაც. ძირითად საქმეს რაც შეეხება, სვამს შეკითხვებს, რომლებიც შესავალ სიტყვაშიც იკითხა. 1) დამტკიცდა თუ არა ჯგუფურიბა 2) რა როლი ჰქონდა ამ ჯგუფურ გეგმაში 3) რა დააზიანა არცერთ შეკითხვაზე არ არის პასუხი.

12:50 - ადვოკატი ლაშა ამბობს, რომ ბრალში წარდგენილ მუხლებს უნდა ადასტურებდნენ დადგენილებაში. ახლა კითხულობს დადგენილებიდან 1 აბზაცს. დავით ჟღენტი ჯგუფურ ძალადობრივ ჯგუფში სხვებთან ერთად შეიჭრა ეზოში, პოლიციელებს ფიზიკურად ახორციელებდა ძალადობრივ ქმედებებს. ლაშა ამბობს, რომ ჯგუფური ორგანიზებაზე ბრალისთვის მტკიცებულებები უნდა არსებობდეს. რაც არ არის. სავალდებულო კრიტერიუმებით უნდა იყოს მიზეზ-შედეგობრივი კავშირი სახელმწიფო დანიშნულების შენობის ბლოკირების გამო. ლაშა ამბობს, რომ სახეზე საერთოდ არ იყო ორგანიზებული ჯგუფური ძალადობა.

12:55 - ლაშა ადვოკატი ამბობს, რომ კი, დავითი იყო აქციაზე მამასთან ერთად, რომელიც სამწუხაროდ აღარ ჰყავს (აქ მოსამართლემ სევდიანად გადახედა დავითს) ისინი იყვნენ აქციაზე თავის ნებით. თუ აქციაზე ყოფნის გამოა დაკავებული, მაშინ ყველა დაკავებული უნდა იყოს.

12:56 - ადვოკატი ამბობს, რომ არ არსებობს მტკიცებულება, სადაც აქციის მიმდინარეობისას დავითი თავისუფლების მოედანზე იდგა და ე.წ. ირგანიზატორების სიტყვა გაიგო.

12:57 - დავითი მამასთან ერთად იყო კოლმეურნეობის მოედნისკენ უფრო მიხყც მამასთან ერთად. დავითი დაიძრა სასახლისკენ მაშინ როდესაც ხალხის მასა დაიძრა და გაყვა მამასთან ერთად.

12:58 - ლაშა ამბობს, რომ ბრალდების მხარემ დამალა მთელი რიგი ფაქტობრივი მტკიცებულებები. ლაშა ეუბნება მოსამართლეს რომ მიუთითებს ამ მტკიცებულებებზე.

13:01 - დამკავებელი ხვედელიძე რეკავს 112-ში, პრეზიდენტის რეზიდენციასთან მიმდიებარედ, 166 173-ს ორივე თავით დაკავებულია დავით ჟღენტი. 20:40 დაკავების დრო წერია ოქმში. ოქმი: 4 ც 1 -ლარიანი, 50 თრთრი. მეტრომანი, სანთებელა, ბენდენა, მცირე დროშა, 2 მარკერი. ამით როგორ უნდა ჩაედინა ძალადობრივი აქტი? ნივთების ამიღებას ესწრებოდა ვიღაც (წერია სახელი და გვარი)და აზრზე არ ვართ ვინ არის.

13:06 - ლაშა - I ტყუილი. მოწმე დამკავებელი ამბობს, რომ შიგნით დააკავეს, არადა ოქმში სხვა წერია. პლუს ეს დრო რაც წერია 20:40 ამ დროს არცერთი მოქალაქე არ იმყოფებოდა არც ეზოში და არც მიმდებარედ. ეს მტკიცდება ვიდეო კადრებითაც.

13:08 - ლაშა აჩვენებს ვიდეო კადრებს მოსამართლეს.

13:11 - ახლა ადვოკატი გადადის პოლიციელების ჩვენებებზე. ბესიკ ხვედელიძე- საქმის ირგვლივს მოგახსენებთ შემდეგს..... ვიმყოფებოდი ათონელის ქუჩაზე, სასახლის მიმდებარედ, ეზოში. თუმცა თავდაპირველად ვიყავით თავისუფლების მოედანზე. შემდეგ გავყევით ხალხს სასახლის მიმართულებით. ლაშა ამბობს, რომ მწეველიძე გიორგიც დავკითხეთ, ყველამ თქვა, რომ პატრულები დილიდანვე სასახლეში იყვნენ. ლაშა იხსენებს მოწმესთან დასმულ შეკითხვას დაცვის უფროსთან- შეხლა-შემიხლის დროს გარედან შიგნით პატრული ხომ არ შესულა. პასუხი იყო არა. ლაშა ამბობს, რომ ეს არის ტყუილი! მოსამართლემ უდაოდ ხომ ცნეთო, კიო ლაშამ, მაგრამ ეს ხო არ ნიშნავს, რომ ვეთანხმებითო. დაგვეკითხაო მოსამართლემ, ხომ უკეთ გავიგებდითო)) გეგონება აზრი ჰქონდეს რამეს.

13:16 - ლაშა განაგრძობს მოწმეების ჩვენებებზე საუბარს.

13:23 - ლაშა ამბობს, რომ ადმინისტრაციული და სისხლის სამართლის ოქმებში ერთგან წერია, რომ დროშები ჰქონდა, მეორეში-არა. რა არის სიმართლე? ლაშა ამბობს, რომ გიორგი სამხარაძე ც დამკავებელია, მაგრამ ოქმში არ წერია. გიორგის ჩვენებაში წერია, რომ მან იცოდა გარემოებები წვრილმანები. ე.ი. ნამდვილად ერთ-ერთი დამკავებელია.13:26 - ის რაც ბესიკ ხვედელიძემ დაწერა ჩვენებაში, ესეც ამას ამბობს, რომ მიმდებარედ იყო. ლაშა არ გამორიცხავს რომ არცერთი არ იმყოფებოდა საერთოდ იქ სადაც უწერიათ ჩვენებებში. მოსამართლემ ესეც უდაოდ ცნეთო ხოვო? ლაშამ რა თქმა უნდაო!

13:29 - ლაშა ამბობს, რომ დაკავების დრო ტყუილია, დროშების ამბავი ან ტყუილია ან შეუსაბამოა, ჩხრეკის მოწმე ლევან მდინარაძე არ არსებობს საქმეში და ა.შ. ლაშაბიბს, რომ ეს ყველაფერია თავის შეფასება. ლაშა ბოლოსკენ გადის. ბრალდების მხარემ დიდი რესურსი ჩადო. მოიპოვეს უამრავი ვიდეო მტკიცებულება, თუმცა 1 ნეიტრალური მტკიცებულება არ არის წარდგენილი საქმეში. (დავით ჟღენტი იგულისხმება)

13:33 - ლაშა პოლიციელების ჩვენებებზე ბობს, რომ არ შეიძლება დაეყრდნოს მოსამართლე. საკონსტუციომ კი განაცხადა, რომ პოლიციელის ჩვენება უტყუარია, თუმცა იქვე ამბობს საკონსტიტუციო რომ ყველანაირად უნდა გადამოწმდეს ნეიტრალური მტკიცებულებით.

13:35 - ლაშას მოჰყავს სტრასბურგის გადაწყვეტილებები პოლიციელების ჩვენებებზე. სამწუხაროდ ძირითადად მტყუანია საქართველოს სასამართლო. მაგ :2022 -მაქარაშვილი, 2026 - მექვაბიშვილი, და ა.შ.

13:38 - ახლა მოჰყავს ეროვნული ქეისი. აქაური საკონსტიტუციოს გადაწყვეტილებას. ქებურია საქართველოს პარლამენტის წინააღმდეგ.

13:41 - ლაშა ამბობს, რომ ადამიანის ბედი არ შეიძლება დაუკავშირდეს ალბათობას და შეუსაბამო ჩვენებებს. ლაშა ამბობს, რომ არასაკმარის მტკიცებულებებს არ უნდა დაეყრდნოს მოსამართლე. ლაშამ თქვა, რომ დავით და და დედა ელოდებიან გარეთ, რომლებსაც აქვთ შეკითხვა - რა დააშავა დავითმა? დაასრულა ლაშამ

13:45 - დაიწყო სხვა ადვოკატმა-დიტო საძაგლიშვილმა. შოთა კახიძესთან და გელხაურთან ერთად იცავს ბევრს-დათოს, კელიხაშვილს, ალბუთაშვილს, ჩახუნაშვილს და მჟავანაძეს.

13:49 - საძაგლიშვილი აკეთებს ჯერ ზოგად მიმოხილვას. როგორი ძალადობრივი ხერხებით უსწორდებიდა პოლიცია აქციებში მონაწილეებსა და ჟურნალისტებს. სხვა სხდომაზეც ასე ჰქონდა. შესავალი იგივეა.14:15 - გიორგი ჩხეიძე- ალექსანდრე გოგოლაძის ადვოკატი. დაიწყო დასკვნითი სიტყვა. 225-ე და 222-ე მუხლებზე საუბრობს. იშველიებს ეკრანს. ადვოკატი გიორგი კითხულობს პროკურატურის ბრალდების პატაკს. სადაც წერია, რომ გოგოლაძე შეიჭრა, იყო აგრესიული, დააზიანა ღობე და მიზანი შენობის ხელში ჩაგდება უნდა ყოფილიყო.

14:23 - ადვოკატი ამბობს, რომ რომელიმე ამათგანი უნდა დაემტკიცებინა პროკურატურას, რაც ვერ მტკიცდება. წარმოდგენილია ერთადერთი ვიდეო მტკიცებულება, რომლითაც ვერცერთი ზემოთ ჩამოთვლილი ბრალდება ვერ მტკიცდება

14:28 - ვიდეომტკიცებულებაში ჩანს გოგოლაძე შედის ეზოში. მიდის პოლიციასთან, მერე წიწაკის სპრეის ასხამენ და გამოდის. ამ ვიდეოთი მხოლოდ მტკიცდება, რომ შევუდა ეზოში. არ მტკიცდება განზრახვა და მიზანი.

14:33 - ადვოკატი ამბობს, რომ საქმე ეხება სასახლის ეზოს, ხოლო სასახლის კამერები არ არის ამოღებული. რაიმე ძალადობრივ ქმედებას რომ ჰქონოდა ადგილი გოგოლაძისგან, აუცილებლად ამოიღებდნენ კამერებს.14:39 - გიორგი ჩხეიძე განაგრძობს დასკვნით სიტყვას.

14:39 - გიორგი ჩხეიძე განაგრძობს დასკვნით სიტყვას.

14:49 - გიორი ჩხეიძე ამბობს, რომ გოგოლაძე დაეხმარა წაქცეულ დემონსტრანტს, დაინახა ხალხი როგორ მიემართებოდა ეზოსკენ, მამ პირიქით სცადა, რომ კონფლიქტი არ ყოფილიყო პოლიციასა და ხალხს შორის, ამ მიზნით შევიდა ეზოში, მიასხეს სპრეი და საერთოდ დატოვა ტერიტორია.

14:51 - ადვოკატი მოითხოვს მოსამართლისგან რომ გამამტყუნებელი განაჩენის შემთხვევაში ყველა პუნქტი დაასაბუთოს მოსამართლემ! ახლა გოგოლაძე საუბრობს. იგივეს ყვება.

14:53 - გოგოლაძე ამბობს, რომ შეწყალებით არავინ მიმართოს უწმინდესს. ყველაზე დიდ სასჯელსაც მოვიხდი!

14:55 - შემდეგი სხდომა შემდეგ პარასკევს 11 სთ.

https://www.facebook.com/share/p/18j4sNkK4x/