მოსამართლეები / ირინა გოგოლაძე

დაიბადა 1983 წლის 30 ოქტომბერს ქალაქ ბორჯომში.
2001 წელს დაამთავრა ქალაქ ბორჯომის №2 საშუალო სკოლა.
2006 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტის მესხეთის ფილიალის სამართლის ფაკულტეტი და მიენიჭა დიპლომირებული სპეციალისტის აკადემიური ხარისხი სამართალმცოდნეობაში.
2005 წლის სექტემბრიდან 2006 წლის ივლისამდე პროფესიულ პრაქტიკას, ხოლო 2006 წლის ივლისიდან 2007 წლის 10 იანვრამდე სტაჟირებას გადიოდა თბილისის სააპელაციო სასამართლოს სისხლის სამართლის საქმეთა პალატაში.
საქართველოს იუსტიციის უმაღლეს სკოლაში გაიარა მოსამართლის თანაშემწის სამთვიანი სასწავლო კურსი, 2006 წლის 28 ივლისს ჩააბარა სასწავლო პროგრამით გათვალისწინებული ტესტური გამოცდა და მიიღო სერთიფიკატი.
2007 წლის 10 იანვრიდან 2018 წლის აპრილამდე მუშაობდა მცხეთის რაიონულ სასამართლოში მოსამართლის თანაშემწედ.
2009 წლის 24 იანვარს ჩააბარა მოსამართლეთა საკვალიფიკაციო გამოცდა სისხლის სამართლის სპეციალიზაციაში.
2018 წლის აპრილიდან 2019 წლის 20 მარტამდე მუშაობდა თბილისის სააპელაციო სასამართლოში ადამიანური რესურსების მართვისა და სამართლებრივი უზრუნველყოფის სამსახურის მთავარ კონსულტანტად.
იუსტიციის უმაღლეს სკოლაში გაიარა იუსტიციის მსმენელთა სრული სასწავლო კურსი და სკოლის დამოუკიდებელი საბჭოს 2019 წლის 4 ნოემბრის N01/33-19 გადაწყვეტილებით შეყვანილ იქნა იუსტიციის მსმენელთა საკვალიფიკაციო სიაში.
იუსტიციის უმაღლესი საბჭოს 2020 წლის 18 ნოემბრის გადაწყვეტილებით დაინიშნა თბილისის საქალაქო სასამართლოს სამოქალაქო საქმეთა კოლეგიის მოსამართლედ.
იუსტიციის უმაღლესი საბჭოს 2021წლის 7 სექტემბრის გადაწყვეტილებით, გამწესდა თბილისის საქალაქო ადმინისტრაციულ საქმეთა კოლეგიის მოსამართლედ.