მოსამართლეები / ლელა კალიჩენკო

დაიბადა 1964 წლის 25 ნოემბერს ხაშურის რაიონის დაბა სურამში;
1981 წელს წარჩინებით დაამთავრა სურამის N1 საშუალო სკოლა;
1983-1988 წლებში სწავლობდა ივანე ჯავახიშვილის სახელობის თბილისის სახელმწიფო უნივერსიტეტის იურიდიულ ფაკულტეტზე და დაამთავრა წარჩინებით სამართალმცოდნეობის სპეციალობით;
არის ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის დოქტორანტი;
1989-1990 წლებში მუშაობდა ქ. თბილისის პროკურატურაში სტაჟიორ-გამომძიებლად;
1990-1991 წლებში მუშაობდა მცხეთის პროკურატურის გამომძიებლად;
1992-1999 წლებში მუშაობდა საქართველოს გენერალური პროკურატურის სახელმწიფო ბრალდების მხარდაჭერის სამმართველოს პროკურორად;
1999 წელს ჩააბარა მოსამართლეობის საკვალიფიკაციო გამოცდა საერთო სპეციალიზაციით;
1999-2005 წლებში მუშაობდა ვაკე-საბურთალოს რაიონული სასამართლოს მოსამართლედ;
2005-2009 წლებში მუშაობდა ქ. თბილისის საქალაქო სასამართლოს სისხლის, ადმინისტრაციულ და სამოქალაქო საქმეთა კოლეგიებში მოსამართლედ;
2009-2016 წლამდე მუშაობდა საქართველოს სამოციქულო ავტოკეფალური მართლმადიდებელი ეკლესიის თბილისის სასულიერო აკადემიისა და სემინარიის იურიდიული სამსახურის უფროსად;
1998-2001 წლებში მუშაობდა დავით აღმაშენებლის სახელობის უნივერსიტეტში ადმინისტრაციული სამართლის მოწვეულ ლექტორად;
2009-2011 წლებში მუშაობდა საქართველოს შინაგან საქმეთა სამინისტროს პოლიციის აკადემიაში მიწვეულ ლექტორად;
2011 წლიდან დღემდე მუშაობს ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ადმინისტრაციული სამართლის მიმართულების მიწვეულ ლექტორად;
2016 წლის 25 ივლისს საქართველოს იუსტიციის უმაღლესი საბჭოს გადაწყვეტილებით, ახალი ვადით, დაინიშნა ქ. თბილისის საქალაქო სასამართლოს საგამოძიებო და წინასასამართლო სხდომის კოლეგიის მოსამართლედ;
ჰყავს შვილი.