მოსამართლეები / ნათია მარშანია

დაიბადა 1985 წლის 14 ივლისს, ქ. თბილისში.
2002 წელს წარჩინებით დაამთავრა ქ. თბილისის N186-ე საჯარო სკოლა.
2006 წელს წარჩინებით დაამთავრა საქართველოს ტექნიკური უნივერსიტეტის ჰუმანიტარულ-სოციალური ფაკულტეტი და მიენიჭა სამართლის ბაკალავრის აკადემიური ხარისხი.
2008 წელს წარჩინებით დაამთავრა საქართველოს ტექნიკური უნივერსიტეტის ჰუმანიტარულ-ტექნიკური ფაკულტეტი, კერძო სამართლის მიმართულებით, მიენიჭა სამართლის მაგისტრის აკადემიური ხარისხი.
2007 წელს ჩააბარა ადვოკატთა საკვალიფიკაციო გამოცდა სამოქალაქო სამართლის სპეციალიზაციით.
2008 წელს გაიარა სსიპ იუსტიციის უმაღლესი სკოლის სასწავლო კურსი და ჩააბარა სასწავლო პროგრამით გათვალისწინებული ტესტური გამოცდა.
2007 წელს იყო თბილისის საქალაქო სასამართლოს სტაჟიორი სამოქალაქო საქმეთა კოლეგიაში.
2007-2008 წლებში მუშაობდა თბილისის საქალაქო სასამართლოს სამოქალაქო საქმეთა კოლეგიაში სხდომის მდივნის პოზიციაზე.
2008-2017 წლებში მუშაობდა თბილისის საქალაქო სასამართლოს სამოქალაქო საქმეთა კოლეგიაში მოსამართლის თანაშემწედ.
2017-2019 წლებში იყო თბილისის საქალაქო სასამართლოს სამოქალაქო საქმეთა კოლეგიაში მოსამართლის თანაშემწე-მთავარი კონსულტანტი.
2014 წლის 27 სექტემბერს ჩააბარა მოსამართლის საკვალიფიკაციო გამოცდა ადმინისტრაციულ-სამოქალაქო სამართლის სპეციალიზაციით.
2019 წლის დეკემბრიდან 2020 წლის ივნისამდე სწავლობდა იუსტიციის უმაღლეს სკოლაში.
2011 წლის ოქტომბრიდან დღემდე არის საქართველოს ტექნიკური უნივერსიტეტის სადოქტორო საგანმანათლებლო პროგრამის დოქტორანტი: ჯერ სამართლის სადოქტორო პროგრამის (თემა - ზიანის დაზღვევა), ხოლო ამჟამად საჯარო მმართველობის სადოქტორო პროგრამის მიმართულებით.
მიღებული აქვს მონაწილეობა საქართველოს ტექნიკური უნივერსიტეტის ეგიდით 2014 წლის 30-31 მარტს ჩატარებულ მე-3 საერთაშორისო კონფერენციაში “თანამედროვე კერძო სამართალი“, თემა - სუბროგაცია სადაზღვევო სამართალში.
გამოქვეყნებული აქვს სტატია თემაზე - “დაზღვევის ხელშეკრულების დადების მომენტი საზღვარგარეთის ქვეყნების სამართლის მიხედვით“, სამეცნიერო-პრაქტიკული ჟურნალი “თემიდა“, ნოემბერი, 2014წ, თბილისი.
საქართველოს იუსტიციის უმაღლესი საბჭოს 2020 წლის 18 ნოემბრის გადაწყვეტილებით, დაინიშნა თბილისის საქალაქო სასამართლოს სამოქალაქო საქმეთა კოლეგიის მოსამართლედ.
ჰყავს მეუღლე და ორი შვილი.