General Information
Date and Time
access_time9 October 2025 12:00
Court
Fearless Defenders
Additional Information
მოსამართლე ფიქრია სიქტურაშვილმა ნანა სანდერი სასამართლო პროცესიდან გააძევა.
პროცესზე 4 ოქტომბრის აქციის საქმეზე დაკავებული 6 ადამიანის: გოჩა ყატაშვილის, საბა კორძაიას, სულხან აბრალავას, ბექა ქელეხსაშვილის, გიორგი კირვალიძის და ნანა სანდერის აღკვეთის ღონისძიების შეფარდების საკითხი განიხილება.
ნანა სანდერის ადვოკატმა, ნიკოლოზ ბოლქვაძემ სხდომის გადადების შუამდგომლობა დააყენა, ვინაიდან, მისი თქმით, მასალების გაცნობის შესაძლებლობა არ ჰქონდა და ამის გამო დაცვის უფლება ეზღუდება.
„ჩემი დაცვის ქვეშ მყოფი წარმოდგენილია საქმის მასალების ყუთით. მე იზოლატორში გადმომცეს მეხსიერების ბარათი, რომელზეც ჩაწერილია მასალები. რა დროს უნდა მომცემოდა საშუალება, რომ დღეს შესაბამისი პროცესუალური წესებით დამეცვა ჩემი დაცვის ქვეშ მყოფი". - თქვა ნიკოლოზ ბოლქვაძემ.
იგივე მოითხოვეს ქელეხსაშვილის და აბრალავას ადვოკატებმა.
ადვოკატებმა ასევე მოითხოვეს ფიქრია სიქტურაშვილის აცილება.
მოსამართლემ აცილების შუამდგომლობა არ დააკმაყოფილა, თუმცა განმარტება არ გააკეთა და დაცვის მხარეს მოუწოდა, სურვილის შემთხვევაში, მისი ეს გადაწყვეტილება ზემდგომ ინსტანციაში გაასაჩივრონ.
ამის შემდეგ ნანა სანდერმა დემონსტრაციულად ამოიღო ყუთიდან საქმის მასალები. მოსამართლემ მას შენიშვნა მისცა.
„იქით მოგცემთ შენიშვნას, თქვენ თავი ლეგიტიმური ხომ არ გგონიათ?" - მიმართა ნანა სანდერმა. პასუხად ფიქრია სიქტურაშვილმა სანდერი გააძევა.
დატოვეთ სხდომის დარბაზი. თქვენ გაძევებული ბრძანდებით სხდომათა დარბაზიდან". - თქვა მან.
„თქვენ თავი ლეგიტიმური გგონიათ? როგორც აფხაზეთის დე ფაქტო სასამართლო არ არის ლეგიტიმური, ზუსტად ისე [ხართ]". - თქვა ნანა სანდერმა დარბაზიდან გაყვანამდე